2015/2023-2024

26.9.2023: Nizan khan Aizawl E-II bialtu MLA Pu Robert Romawia Royte-in Aizawl E-II bial a chhuahsan dawn avanga amah thlah leh an duhsakna lantir nan Saron Badminton Club-in an buatsaih RRR Farewell Badminton Tournament chu Sports Minister Pu Robert Romawia Royte chuan a khuh hawnna Saron Veng Hall-ah a hmanpui a ni.

Pu Roberta chuan thu sawiin Saron Badminton Club-in players tam tak chherchhuakin tunah pawh Mizoram chhuanvawr badminton players kawltu an ni reng thei chu a lawmawm a tih thu a sawi a, grassroot training programme an kalpui dan pawh fakawm a tih thu a sawi. Pu Roberta chuan sawrkarin sports infrastructure a ngai pawimawh hle a, hma pawh an lak nasat thu sawiin chutihrualin a training-na lam pawh sawrkin a ngai pawimawh em em tho a, hemi kawngah hma an lak nasat tho thu a sawi.

Pu Robert Romawia Royte thlah nana SBC-in tournament an siam hi thuang hniha kalin pakhat hi Invitational tournament a ni a, hetah hian mens & womens doubles bakah kum 35 chung lam category hrang hranga inelna a ni a, mi 184 laiin entry an pe a ni, hei hi Saron Indoor Stadium-ah khelh a ni ang a, pakhat zawk hi MBA Junior Ranking Tournamnet niin naupang 180 laiin entry an pe a, Ramhlun hall-ah khelh a ni ang. Pu Roberta thlahna tournament hi ni 26-30 September 2023 chhunga khelh tura ruahman a ni.