2016/2023-2024

26.9.2022: Tukin zing khan Sports Minister Pu Robert Romawia Royte hovin a chenna inah Hachhek Games neih dan tur relin Sports Deptt aiawhte leh Hachhek Games Organising Committee aiawhte an an thukhawm.

He hunah hian Sports Minister rawt angin Hachhek bial thalaite infiamna kutpui Hachhek Games 2023 chu a vawi 1 nan Ni 16 October ‘23 a tan nise,Football(mipa & Hmeichhia)Volleyball (M&H),Basketball(M),Badminton(M),Athletics (100 metres,High Jump,Long jump,Javeline,Shot put,) bakah Half Marathon (Hachhek) & Mizoram Open) telh nise an ti.

Hachhek Games 2023 Athletics,Badminton,Volleyball leh Half Marathon te hi Zawlnuamah,Football leh Basketball te chu Kawrthah leh Tuidam khuaah neih nise tih a ni.

Half Marathon hi Assam Ramri Mitdel lui atangin Zawlnuam (21 km) tlan tur a ni ang a,a duh apiang tan tlan theih a ni ang.Category 2 a awm ang a,Hachhek bial mite pual leh Open Category a ni ang.Lawmman pawh a hrang siam a ni.

Sports Minister Pu Robert Romawia Royte chuan Hachhek Games chu sports discipline hrang hrangten hma an sawn phahna a nih a beisei thusawiin kumtin tih chhoh zel tum a ni ang a ti a.Hachhek Half Marathon chu a duh duh tel theihna anih angin Mizoram bakah Assam leh Tripura a Zofate pawh tel ve turin sn beisei tih a sawi.