Kumin MLA Election inthlan vote thlak ni November Ni 28, 2018 huna Champhai District chhuga Polling Station 137-a duty tur Polling Official-te puala training thawh thumna leh tawp ber tur chu vawiin November Ni 6, 2018 hian GM High School leh GM Higher Secondary School, Champhai Vengsangah te neih niin zawh fel a ni.

Vawiin Training-ah hian  Champhai District chhunga Assembly constituency panga 21-Lengteng (ST) A/C, 22-Tuichang (ST) A/C, 23- Champhai North (ST) A/C, 24-Champhai South (ST) A/C leh 25- E. Tuipui (ST) A/C  huam chhunga Polling Station 137 a duty tur Polling Official 720 an tel a. Room hrang hrangah inthenin Master Trainers 5 ten Election Form pawimawh dah khah dante, EVM khawl hman dante, Polling day activities leh tul dangte an zirtir a ni.

Naktuk zing karah Inthlanna hmanruate Polling Party tin tan sem ani ang a, hemi hnu hian an duty na tur lam panin an chhuak tan tawh dawn a ni. He tih rual hian Postal Ballot hmanga vote thlak hman rih lote tan By Post hmanga thawn a ni bawk a ni.