Kumin MLA Election inthlan vote thlak ni a Kolasib District chhuga Polling Station 81-a duty tur Polling Official-te puala training tawp ber tur chu vawiin khan Kolasib Diakkawn YMA Hall ah buatsaih a ni.

He hunah hian Kolasib District chhunga Assembly Constituency pathum 4-Tuirial A/C, 5-Kolasib A/C leh 6 Serlui A/C a duty tur polling Official thahnem tak an tel a, Kolasib DEO Dr.Arun T, IAS chuan Vote thlak ni a Polling Official te zawm tur leh hnathawh tur kalphung chu a sawi a, rilru fim tak leh fimkhur taka mahni hna hlen chhuak theuh turin kalkhawm te a chah a ni.

General Observer Pu  Manoj Kumar Pingua, IAS pawhin he hunah hian fuihna thu sawiin inthlanni chu Democracy Rama ni pawimawh tak anih angin hemi ni a Duty tur te chuan Rilru fim leh Dik an put a pawimawh ani tiin Vote thlak tur ten thlamuang tak leh felfai taka Vote an thlak theuh theihnan Polling Official te chuan ruahmanna tul apiang an siam zel tur ani tiin Rinawm tak leh felfai taka mahni hna hlenchhuak theuh turin Polling Official te chu duhsakna a hlan bawk a ni.

Naktuk zing Dar 7 ah Inthlanna hmanruate chu DC Office kawt ah Polling Party tin tan sem ani ang a, hemi hnu hian an duty na tur lam panin an chhuak tan dawn a ni.