Mizoram Legislative Assembly (MLA) inthlan chu November ni 28, 2018 hian neih a nih dawn avangin inthlan muanawm leh felfai tak buatsaih tur tibuai thei hel pawlte leh inrikrapna thlen tuma ramri kana District chhunga lut an awm loh nan Lawngtlai District Magistrate & Bawrhsap Pu N. Chakhai MCS chuan CrPC section 144-na tlawh chhanin Bangladesh leh Myanmar atanga ramri kan khapna thupek a chhuah.

He thupek hi November ni 25, 2018 khan chhuah niin, hemi ni atanga thla khat (1) chhung a huam dawn a. Hemi chhung hian Bangladesh leh Myanmar ramri chu khar tlat tur niin, ramri kana mihring lo luh emaw, bungraw lak luh emaw phal a ni lo.

Thupek zawm lova bawhchhiate chu dan anga hrem an ni ang.