2546/2023-2024

Champhai the 30th October, 2023 - Mizoram Legislative Assembly Inthlanpui 2023 lo awm tur atana Champhai District chhunga inthlan buaipui tura ruat, Presiding Officer (PRO), 1st Polling Officer (PO), te tana training thawh hnihna chu vawiin khan GM Higher Secondary School-ah buatsaih a ni a. 2nd Polling Officer leh 3rd Polling Officer te tan naktukah training neih a ni ang.

Champhai District huamchhunga Assembly Constituency pathum – 23 Champhai North AC, 24 Champhai South AC leh 25 East Tuipui AC a Polling Station 84 a duty tur hian Polling Officials mi 452 ruat an ni.

Pu Lalrinawma Khiangte, SDO (S), Pu Vabeimozachhi Chozah, BDO Champhai, Pu N. Lalzarzova, BDO Khawbung, Pu Moses Lalfakawma Tlau, SDC leh Dr Vanlalnunpuii Ralte, SDC ten Polling Official training-ah hian zirtirna an pe a. Polling official-te mawhphurna, Election Form pawimawhte leh Poll Star te an zir bakah EVM chungchang an zir a ni.