Vawiin khan Government Comprehensive Middle School, Champhai Venglaiah kumin Lok Sabha inthlanpui huna duty tur Presiding Officer leh Assistant Presiding Officer-te  pualin training buatsaih a ni a, vawiin training-ah hian Presiding leh Assistant Presiding Officer tura ruat mi  314 te hnenah  Master Trainers 5 ten zirtirna hranng hrang an pe a ni.

Training hi Pu K.Lalhmuakliana, DUDO Champhai kaihhruaina hnuaiah neih a ni a, Presiding Officer te hi inthlan huna hriattur hrang hrang leh Form pawimawhte   dik leh  felfai taka dahkhah dante zirtir an ni a. Training hi hmun ngaah inthenin theory leh practical thlenga inzirtirna siam a ni a, Vote thlakna khawl EVM/VVPAT nihphung leh hmandante a taka entirna neih a ni bawk. Trainees-te pualin vawiin hian inthlan huna Vote an thlak theihna tur Postal Ballot dilna dawhkan siam niin form dahkhah nghal zel theih tura ruhmanna siam a ni.  

Training hi naktuk lamah Polling Officer-te pualin neih ve leh tur a ni a, chawhma dar 10 atangin Government Comprehensive Middle School, Champhai Venglai-ah neih tur a ni.