Vawiin chawhma dar 11:00Am khan kumin Member of Parliament (Lok Sabha) General Election lo awm tura Siaha District huam chhunga Polling Official tur te tan Training buatsaih a ni.

Presiding Officers te hi D.C’s Conference Hall-ah training neihpui niin, Shri Bhupesh Chaudhary IAS, DEO leh District Bawrhsap nibawk chuan he training hi a kaihruai a ni. Resource Persons- Pi Lalnunmawii, SDO(S) & Nodal Officer; Pu T. Vanlalmalsawmsanga, PD, DRDA; Pi Irene Lizi, Lecturer, GHSS & Master Trainer ten heng thupui – “Poll Process, Poll Star, Filling up of Polled related forms (Statutory & Non Statutory covers)” te hmangin zirtirna hun an hmang a. Pu H. Ramhluna, IS, CMO Cell & DLMT pawhin “Hands on Training on EVMs & VVPATs” tih thupui hmangin zirtirna a pe bawk a ni.

Pu R. Lalremsanga, Additional Deputy Commissioner kaihruaina hnuaiah DRDA Conference Hall-ah Polling Officers te tana Training buatsaih chu Resources Persons – Pi B. Malsawmtluangi, DTO & SLMT; Pi H. Lalrinfeli, Asst. Prof. Government Saiha College leh Master Trainer nibawk te; Pu T. Vanlalmalsawmsanga, PD, DRDA; Pi Ellen J Suichhintial, Lecturer, GHSS leh Master Trainer nibawk ten thupui thlan bik heng – Poll Process, Filling up of Polled related Forms (Statutory & Non statutory covers); Poll Star leh Hands on Training on EVMs & VVPATs te hmangin zirtirna an pe bawk a ni.