Vawiin chawhnu khan District Election Officer, Aizawl District bultumin Agriculture Conference Hall, Aizawl ah Member Of Parliament (Lok Sabha) leh 15-Aizawl West-I (ST) Assembly constituency inthlan lo awm tur inbuatsaihna atan “Training On Media Certification And Media Related Matters” neih a ni a,  Pu Andrew H Lalremruata, MIS, IPRO chu master trainer niin zirtirna a pe a, Media Certification and Monitoring committee (MCMC), Doordarshan Kendra (DDK), All India Radio (AIR), LPS cable network, Zonet cable network, Big FM, Red FM, chanchinbumite leh political party hrang hrang aiawhte an tel a ni.

Training On Media Certification And Media Related Matters ah hian inthlanna felfai leh thianghlim tak a awm theih nan Radio, Cable network, Chanchinbu leh Social media hmanna kawngah Election Model Code of Conduct pawimawh zual te zirtir a ni a, Advertisement leh Paid news chungchang leh Media Certification and Monitoring committee hnuaia inthlan chhunga media certification dil dan leh lungawilohna thlen dan inhrilhhriat a ni bawk.