Vawiin chawhma khan Champhai DC Conference Hall-ah pianphunga rualbanloten kumin Lok Sabha inthlan huna Vote an thlak  theihna tura ruhmannate sawiho a ni a. He hun hi Dr. Naveen Aggarwal, District Election Officer, Champhai chuan kaihruaiin, District Election Official dangte an tel a ni.

Meeting chuan Rualbanlo/ vohbik ten an chanvo leh dikna neih hmanga an aiawh tur rolreltu tur an thlan ve theih nana hgeihtawp a hmalak zel nise tha a ti a. An tana Campaign pawh zau zawka  neih leh Media hmangte a a zau thei ang bera Vote thlak tura sawmna siamchhuah nise tihn a ni a. Vote thlak ni a an Vote thlak tura an kalna tur Lirthei leh mamawh dangte pawh a tul ang zela ruahman nise tih niin, hemi tur hian Maxicab leh Taxi neitu leh khalhtute pawh biak nise  meeting chuan a ti a, senso angte chu District Election Office lamin a tumsak dawn a ni. Tin Polling Day-a hman theih tur Accessible Voters Guide semchhuah leh PwD Voter list pawh ennawn leh nise tha tih a ni bawk.

Election Commission of India chuan Rualbanlo/Vohbikte Vote thlak  hi a ngai pawimawh em em a, inthlan neih apiangin an tan hma a la thin a ni. Electoral Revision Year 2018 tarlan dan chuan Champhai District-ah PwD Voters 572 an awm a. 21-Lengteng A/C-ah  mi  117, 22-Tuichang A/C ah mi 73, 23-Champhai North A/C-ah mi 120, 24-Champhai South A/C ah mi 96 leh 25-East Tuipuiah PwD Voters tam berin 166 an awm a ni.