No.6232/2020-2021 

Dated Champhai, the 18th,2020: Vawiin chawhnu khan Champhai Police Station Conference Hall-ah SP Pu Rex Zarzoliana Vanchhawng hovin Sawrkar Official, SYMA Champhai leh MZP Hqrs Champhai hruaitute chuan tunlai Assam-Mizoram ramri buai chungchang leh hemi avanga nghawng hrang hrang thleng theite an ngaihtuah.

He hunah hian ramri buai boruak tawn mekah induhkhawplohna leh inchirhthehna atan hmang lova hnam anga lungrual taka thu khat vuaa thawhhona hun anih thu tarlan a ni a. Champhai District chu International boundary a awm anih avangin pur chawkna hmun pawimawh tak a lo ni tawh thina, nakin hun zel ngaihtuah chunga rilru fim tak sen a tul thu pawh sawilan niin, ramri buai karah Mizorama hnam dang awm pawisawi lote chungah thil  duhawm lo a thlen lohna turin inthununna nen rilru fim tak sen angaih thu pawh tarlan a ni bawk.

Meeting-ah hian Pu Rex Zarzoliana Vanchhawng SP, Pu Lalnunfela Chawngthu SDO Sadar, Official dangte bakah SYMA Champhai leh MZP Hqrs Champhai hruaitute an tel a ni.