No.6233/2020-2021 

Dated Khawzawl, the 18th October, 2020: Tunhnaia Mizoram leh Assam ramri buai chungchang ngaihtuahin vawiin  khan Pu Zothanmawia, Deputy Commissioner kaihhruaiin DC Conference Hall-ah meeting pawimawh tak neih a ni a. Meeting-ah hian Superintendent of Police Khawzawl District, Commandant  2nd IR Battalion, DC Office-a Officer-te bakah Join VC, YMA, MZP, MUP, MHIP leh Khawzawla dawrkai aiawhte an tel a ni.

Uluk taka ngaihtuah anih hnuah a hnuaia mi ang hian Khawzawl District mipuite hriat leh zawm tur thuchhuah siam a ni:

1. Khawzawl District chhunga hnamdang awm mekte sahimna tiderthawng zawngin hmalak loh tur a ni. Village Council leh Branch YMA te'n mahni area chhung theuhah pawisawilo mipuite him leh thlamuang taka an chenho theih nan hma an lo la ang.

2. Mipui leh sawrkar mamawh bungrua - nitin mamawh (essential commodities) leh bungraw dang phur lirthei, Mizoram chhunga
tangkhang laklawh engemawzat an awm a. Kan mamawh phur an ni tih hre reng chungin, an bungraw phurhna kawngah harsatna siamsak lo turin mipui leh pawl hrang hrangte ngen leh hriattir kan ni e.

3. Khawzawl District chhunga dawrkaite chu ramri buai denchhena an thil zawrh man tito lo tur leh, an bungraw neih zat leh ramri boruak ngaichang chunga inhralh turin ngen leh hriattir an ni a. Mipuite pawh kan mamawh bak chheprelh lo a, midang ngaichang chunga thil lei turin ngen kan ni.

4. Ramri buai chungchangah social media leh platform dang kaltlanga thudik lo leh belhchian dawl lo, mipui rilrua huatna leh thinurna chawk chhuak thei thil thehdarh loh tur a ni tih kan inhriattir e.