2382/2022-2023

Champhai, the 19th October, 2022: Vawiin khan District Project Office, Samagra Shiksha, Champhai District buatsaihin Education Training Hall-ah Rangotsav 2022 Exhibition of Mizo Handicrafts puala hun hman a ni. He hunah hian Champhai District chhunga Middle School zirlaiten  kutthemthiamna hmanga an thil siamte phochhuakin intihsiakna an nei a ni.

He hun Pi Laldingliani Ralte, Dy. DPC (A) kaihhruaiah hian Pi Lalhruaitluangi, SDEO Champhai chuan thu sawiin, Rangotsav chuan  zirlaiteah lehkha zir ringawt nilo, kutthemthiamna lam chawisan chu a tum tel thu a sawi a. Zirlaite theihna leh thiamnate haichhuah a nih theihna tur leh zirlai naupang ten lehkha an zir by-heart mai lova, an kutthemthiamna hmanga nuam ti taka hun an hman kaltlanga zirna an dawn chu a tum ber a nih thu a tarlang bawk.

SDEO chuan Rangotsav chu elementary-te tana buatsaih a nih thu sawiin, ram pakhata mi chi hrang hrang inang lo tak takte inhrethiam tawn taka kan awm ho theihna tura he hun hi buatsaih a nih thu a sawi a. Zirlaite chu intihsiaknaa an tel hnuah pawh tawp san mai lova chhunzawm zel turin a chah a, exhibition chu hma hun duhawm tak an neih theihna tura puitu hmanraw pawimawh tak a nih ngei theihna turin duhsakna a hlan a ni.

Rangotsav 2022, Exhibition of Mizo Handicrafts hi vawiin chawhnu dar 2 khan kharna leh lawmman semna hun neih nghal a ni a. He hun hi Pi Laldingliani Ralte, Dy. DPC (A) chuan kaihruaiin, Pu H. Lalhminghlua, Addl. DPC chuan lawmthu sawiin a khar a ni.

Rangotsav 2022, Exhibition of Mizo Handicrafts intihsiakna result kimchang chu hetianng hi a ni:

Pakhatna - Lalawmpuii, Class -VIII, Govt. Kanan Middle School. Model -  Buara hrui hmanga pangpar leh a khawina siam

Pahnihna - Lalrintluanga, Class- VIII, Govt. Ruantlang Middle School. Model - Mau No leh Patê siam

Pathumna - Zonunmawii, Class-VIII, Govt. Ruantlang Middle School. Model - La phiar