2381/2022-2023
Kolasib: Dated the 19th October, 2022: Tunlai hian Kolasib District huam chhungah sava veh leh ramchhuah a hluar hle a, hemi avang hian nungcha te leh sava te nasa taka humhalh a tul a, Section 9 of the Wildlife (Protection Act 1972) chuan ramvah khap in, a tilui chu kum 3 atanga kum 7 thleng tan tir theih an nih bakah Rs. 25,000 thleng chawitir theih a ni bawk. Tuna kan ramsa neih te leh nungchate hi nasa leh zual a humhalh an nih loh chuan an rem zo ang tih a hlauhawm hle.
Ramsa leh sava te humhalh chungchangah EF&CC Department te, NGO leh VC ten Zoram pumah nasa taka hmalak thin alo ni tawh a, nasa zawka kalpui leh nise chumi atan chuan EF&CC Department, YMA leh VC te pawh mahni area theuhah duty insiamin nungcha te humhalh tura ke pen leh nise. Police force te leh Magistrate te nen lungrual taka District pum kan tanrual a hun chho zel a ni.
Kolasib District huamchhunga ramsa te, nungcha te leh sava te lo him zawk theihna turin leh nasa zawk a humhalh anih theihna turin District Magistrate, Kolasib chuan 144 Cr.P.C 1973 in thuneihna a pek angin a hnuaia mi ang hian thupek ka chhuah.
1. Kolasib District huam chhungah mi tumah in Silai, Air Gun/Air Rifle hmangin sa an pel in ramsa, nungcha leh savate an kap tur a ni lo.
2. Kolasib District huam chhungah mi tumahin luia nungcha te - heng Gelatine, Detonator leh tur hmangin an manin an suat tur a ni lo.
3. Kolasib District huam chhungah mi tumah in Sava rah tlan tur hmangin an hrai tur a ni lo.
He thupek zawm lo a bawhchhetute chu Section 188 IPC hmangin hrem an ni ang.
He thupek hian chhuah anih atanga thla 2(hnih) chhung a huam ang.
He thupek hi vawiin 18th October, 2022 hian District Magistrate Seal hmanga
nemnghetin hming a ziak hnan a ni.
