4158/2025-2026

Champhai, dated 26th January 2026: Vawiin khan Champhaiah India ramin kan Danpui, India Constitution kan hman tanni hriatrengna Republic Day vawi-77na chu Chhangphut Field-ah dar 10 khan ropui taka lawm a ni a, Champhai Bawrhsap Pu Mohammad Aaquib chu khuallian niin hnam puanzar (India National Flag) a pawt pharh a, thu a sawi a ni.

Khuallian Pu Mohammad Aaquib chuan mipui kalkhawmte Republic Day chibai bukin kan ram Danpui hman tan ni hian Danpui siamtute, ram hruaitu kal ta ropui tak tak, kan tana zalenna sualchhuaktu te zahna chibai buk turin a sawm a, Danpuiin min zirtir hrang hrang chhawm nung reng turin a fuih bawk. India ram hmasawn nasat zia te sawiin ram rethei tak, ram dang awpna hnuai atangin tunah chuan ram hausa leh thil ti thei ber pawl a nih thu a sawi a, Champhai District pawn nasa takin hma a sawn ve tih a sawi. Kum 2025-26 chhunga Champhai hmasawnna leh thil tha tih hrang hrang a sawi a, DC Office-in land acquisition hnuaia an hnathawh tha te, ruahsur kara chhiatna hrang hrang an buaipui that dan te, Police leh Excise & Narcotics te'n ruihhlo do kawngah leh dan kenkawh kawnga an hnathawh te, District Hospital-in damlo enkawlna kawnga an hmasawnna te, RD leh UD&PA department te'n mipui tangkai pui tur scheme hrang hrang an kalpui dan leh hlawhtlinna te, Agriculture, Horticulture, Fisheries leh Sericulture Department te'n kuthnathawkte tana an hmalakna te, Education department, Champhai College leh DIET atanga zirna lama hmasawnna leh zirlaite tana hmalakna hrang hrang te, naupang hamthatna atana DCPU leh CDPO hmalakna te leh sawrkar department dang hrang hrang thil tih a tarlang a. He hmasawnna hi mipui te'n ngai pawimawha hmang tangkai tur leh Champhai chauh ni lo, Mizoram leh India ram tana pen chhuak zel turin a sawm a ni.

Republic Day 2026 lawmnaah hian parade contingent 17 - ex-servicemen contingent 1, unarmed contingent 5, school contingent 10 leh pipe band contingent 1 an awm a, parade contingent tan hian lawmman sem niin a latute chu:

Unarmed Contingent
1st - NCC Govt. GM High School
2nd - NCC Govt GM Higher Secondary School
3rd - NCC Bethel Mission School

School Contingent

1st - Govt. Roseland Middle School
2nd - Bethel Mission School
3rd - BC Lalthlamuana English Academy

Police hna thawk tha te chawimawi nan Police Certificate of Appreciation sem a ni bawk a, SI P. Vanlalhruaitluanga, ASI Jonathan Lalbiakkima, ASI C. Hmingthantluanga leh Constanble JC MS Dawngliana te'n an dawng a ni.

Republic Day lawmna programme zawh hian chawhnu dar 12 khan VIP At Home hun hman a ni bawk a ni.

Aizawla Republic Day lawmnaah Governor's Medal Award Champhai Police mi 3 - Constable Lalchhuanliana, Champhai DEF; Constable Zorama, 2nd IR Battalion; SI T. Lalthianghlima, Asst. OC, Dungtlang Police Station - te chuan an hnathawh that avangin an dawng a ni.