876/2023-2024

Champhai, the 21th June, 2023: District Level Narco Coordination Centre (NCORD) Committee, Nasha Mukh Bharat Abhiyaan (NMBA, Champhai District, District Level Task Force on Ruihhlo Do leh Mizoram Police - Champhai District Executive Force-te tangkawp malaknain vawiin khan Champhai District chhunga zirna in hrang hrang 3; Chhaktiang High School Vaphai, Govt. High School Farkawn leh RMSA Secondary School Champhai Venglaiahte ruihhlo leh a kaihhnawih ti lo tura inzirtirna 'Anti-Drugs Awareness Campaign' neih a ni.

Ruihhlo do chungchang inzirtirna kalpuitu team-te hi thuang hnihah inthenin zirna inah zirtirna an pe a. Pu Lalmalsawma Hnamte, Addl. SP leh Pu Dennis Vanlallura, Dy. SP (Hqrs) te'n hovin Anti-Drug Awareness Drive hi neih a ni a. He hunah hian powerpoint presentation kaltlangin zirtirna pek niin, signature campaign, intiamkamna leh slogan inziaksiakte huaihawt tel a ni bawk a. He hunah hian zirlai 260 te an tel thei a, hun hlawkthlak tak hman a ni.