3176/2023-2024

Vawiin khan 3 November, 2023 leh 2 December, 2023 a Champhai District chhunga ruihhlo Ruihhlo man cheng 3,31,600 man hu Pu James Lalrinchhana DC Champhai hovin tih chhiat a ni.

Ruhhlo man tihchhiatna hun hi Excise & Narcotics Office, Champhai ah neih a ni a, Khuallian Pu James Lalrinchhana, DC Champhai chuan tumhnih chhunga Champhai district a ruihhlo hetiang zat tihchhiat tur man a ni chu lawmawm atih rualin pawi a tih thu a sawi a, 3 Nov leh 2 Dec, 2023 a ruihhlo hetiang zat man a ni chu a thawktute zawng zawng chungah lawmthu a sawi bawk a ni. Champhai District chhunga midang nunna chhan nana tha thawhtu Police, Excise leh YMA te thawhhona chu fakawm tiin, heng ruihhlo an tihchhiatte hi man nilo se nunna chan an tam tur zia a sawi bawk.

Khuallian chuan kan ram leh khawtlang ruihhlo laka a lo fihlim zel theih nan a thawktute thawhhona thatak chu tha thlah lova theihtawp chhuah chhunzawm zel turin a chah bawk a ni. hun hi Pu T Lalnunsanga SYMA, Vice President, Kumpuan sub Committee chuan kaihruaiin, SYMA Kumpuan Secretary hnen atang report ngaihthlak a ni bawk.
Ruihhlo man tihchhiatna hunah hian Pu Thangchuanga, Assistant Commissioner Excise & Narcotics Department champhai  hnen atang thusawi ngaihthlak a ni bawk a ni.

Vawiina Ruihhlo man te tihchhiatna hunah hian BEDC 8.6 Litre, Beer 533 Can, FML ( Foreign Made Liquor) 156 Bottle leh Rakzu 8.25 Litre tihchhiat a ni a, heng ruihhlo an man an tihchhiat hlut zawng hi tualchhung rate in cheng 3,31,600 man hu a ni.

Attachment

  • Loading attachment...