2153/2025-2026

Champhai, dated 11th November 2025: Vawiin khan Champhai MJA Press Club-ah Sardar Vallabhbhai Patel hriatrengna Sardar@150 Unity March (kawngzawh) chungchangah Champhai Bawrhsap Pu Mohammad Aaquib chuan press conference a ko a, MJA member thahnem tak an tel.

Bawrhsap Pu Mohammad Aaquib chuan Sardar@150 kawngzawh hman dan tur tlangpui a sawi a, Sardar Vallabhbhai Patel khan mipui zingah inlungrualna leh inunauna a ngaih pawimawh thu sawiin he kawngzawh hian chutiang thinlung chu a siam ngei a beisei thu a sawi.

Sardar@150 hi Sardar Vallabhbhai Patel hriatrengna a ni a, tum kum hi a pian atanga kum 150-na a ni. Hemi atan hian kawngzawh buatsaih tum a ni a, November ni 18 a neih tum a ni. District Hospital atanga tanin Circuit House-ah tawp tur a ni a, a kar lakah CHANEM Building-ah hun hman a ni bawk ang. He hunah hian sikul naupang Champhai sikul hrang hrang atangin an tel ang a, a tel duh apiang tan tel theih a ni dawn a ni.

He kawngzawhah hian Sardar Vallabhbhai Patel-a India ramin zalenna a chan hnua a suihkhawm dan thu leh inlungrual taka mi zawng zawng an awmho a, inthliarhranna rilru nei lova awmho tura a duh thu tarlan a ni ang. Heng bakah hian faina chungchang inzirtirna (cleanliness awareness) leh ruihhlo laka fihlim tura inzirtirna (drug awareness) neih a ni bawk ang.