2154/2025-2026

Dated :Mamit the 11th of November, 2025 : Vawiin khan Union Bank of India, Mamit Branch chu Pu Vanlalchhunga, President, Sub-Hqrs YMA in a hawng.

Pu Vanlalchhuanga chuan Mamit District mipuite tana hmasawnna kawng pakhat ni tura Bank thar hawn a ni chu lawmawm a tih thu sawiin, mipuite'n tangkai taka an hman a duhsak thu a sawi a. Mizo mipuite bakah District chhung mipuite'n sum renchem leh khawl lamah hmasawn kan ngai hle a ni a ti.

Bank thar hawnna hunah hian Pu Lalhuma, President, MJA Mamit chuan cake zaina neiin, Pu Mukul Rana, HR, RO Jorhat chuan Bank thar hawn chungchang a sawi a, Pu Thangzason Tombing, Deputy Branch Manager chuan inlawmna thusawiin, Rev.F.Lalrammawia, Councellor, Family Guidance & Counselling Centre chuan Pathian hnena hlanna a neih bakah Pu Daniel Pauthianmang, Branch Manager chuan lawmthu sawina a nei bawk.

Union Bank of India, Mamit Branch tharah hian ATM a awm nghal dawn a, tunah hian Branch Manager leh Deputy Manager-te chuan thutchilh rihin, kumtharah Cashier leh Clerk te dah belh an ni dawn a, ATM booth hi District chhung hmundangah mamawh dan a zira hawn belh tum a ni.