2270/2025-2026

Champhai, dated 18th November 2025: Vawiin khan Sardar Vallabhbhai Patel piancham kum 150-na pual Sardar@150 pualin Unity March (kawngzawh) huaihawt a ni.

Kawngzawh hi chawhma dar 10-ah District Hospital-ah tan a ni a, tan hma hian Champhai Bawrhsap Pu Mohammad Aaquib chuan thu a sawi a, Sardar Vallabhbhai Patel India tana a hnathawh ropui tak te sawiin India ram suihkhawmtu pawimawh tak a ni tih a sawi a, inlungrualna leh inunauna chhawm nung turin kalkhawmte a chah a ni.

Kawngzawhnaah hian sikul naupang 500 vel an tel a, Circuit House thleng kalin kalkawngah faina beihpui nei pahin bawlhhlawh an chhar a ni. CHANEM Building kawtah hun hman niin District Urban Development Officer Pu Ngulzathuama hnen atangin faina pawimawh zia leh Champhai a tih hmingthat theih dan ngaihthlak a ni a, District Social Welfare Officer lam atangin Nasha Mukt Bharat Abhiyan pualin ruihhlo laka fimhlim tura thuchah ngaihthlak a ni bawk.

Circuit House-ah hun tawp hman niin Champhai SP Lokeshwaran R chuan thu a sawi a, khawtlang inlungrual tak, mi harsa leh mi hnuaihnung te tan tlawmngaihna leh khawngaihna tilang zel turin a fuih a ni.