Vawiin khan Election Branch, DC Office Champhaiin Second Special Summary Draft Roll 2018 a buatsaih chu District Election Officer Dr.Naveen Aggarwal chuan a tlangzarh.

Champhai DEO chuan Political Party aiawh lokalte chu Electoral Draft chu ngunthluk taka zirchianga siam that ngai nia an hriatte DC office lama thlenzel turin a sawm a. ECI in a duh dan angin Electoral roll thara tel thei te telh niin paih ngaite paih anih thu a sawi a .

Draft Electoral Roll chungchanga sawi duh emawsiamthat ngai neite tan vawiina tanga Augusta Ni 21 chhung thleng hun hawn a ni. Draft thar ah hian District chhungah voters 84912 an awm a. General Electors 84395 awmin, heng zinga 41859chu mipa niin 42536 chu hmeichhia an ni. Tin, Service voters 517 awmin, mipa 516 leh hmeichhia 1 a ni. 

Draft Electoral Roll tihchuahin a tarlan dan  chuan District Sex Ratio Chu 1016 a ni a. 23-Champhai North leh 24-Champhai South Assembly Constituency-ahte Mipa voters aiin Hmeichhe Voters an tam zawk a. 23- Champhai North in voters 18536 neiin Assembly Constituency voters ngah ber a ni a. Voters 14921 awmna 25- East Tuipui Assembly Constituency chuan voters a nei tlem ber thung a ni. 22/3 - Khawzawl I Polling station in voters 1149 neiin a tam bera,21/24- Taitawkawn Polling Station, 21-Lengteng Assembly Constituency  hnuaia mi Voters 53 awmna chu Voters nei tlem ber a ni.

Vawiin Draft E/Roll an tlangzarh atanga Claims& Objections siam duh te chuan Form hman tur dik tak hmangin 21st August, 2018 thlengin  ERO emaw BLO te hnenah emaw an thehluh thei a ni.

Vawiin Draft E/Roll tlangzarh tak hi Political party aiawh lo kalkhawm te hnenah  DEO Dr Naveen Aggarwal IAS chuan Copy khat theuhina hlan chhawng a ni.