Vawiin khan Kolasib Bawrhsap pisa pindan ah Bawrhsap Dr.Arun T, IAS leh Kolasib Media mi leh sa te chu thingpui in hona neih pah in an inkawm.

Bawrhsap chuan Chanchinbu mi te chu sawrkar thiltih leh hmalaknate mipuite hriata pholang tu leh puangzar tu an nih angin dik tak leh rinawm taka thawk thin turin a chah a. Sawrkar hmalaknaah mipuite atanga ngaihdan awmte pawh hrilh hre  thin turin a chah a. Election kaihhnawih a bik takin Systematic voters' Education and Electoral particiapation (SVEEP) chungchanga Media te'n mipuite hnena zirtirna hnathawh pawimawh tak an neih thu te, Dan leh thupek kenkawh kawngah te, inbiakpawhna lama harsatna, leh Ruihhlo dona kawngah leh hriselna kawngah lungrual taka beihpui thlak a ngaih thu leh mitin huapzo zirtirna zau thei ang ber media hmanga neih a tul thu pawh a sawi a. Ruihhlo laka beihpui thlakna leh inzirtirna chu Media- Tv/Chanchinbu  Editorial ah te zau zawk leh Khawtlangah te uar zawka kalpui nise tha a tih thu a sawi a.  MJA member-te chu sawrkar hmalakna  leh scheme hrang hrangte zau zawka puanzar anih a mipui ten an hriat  zel theih nan   thawhpuiah a sawm a ni.

Inkawmhona ah hian Chanchinbu mi te pawh in harsatna hrang hrang an neih te bakah Kolasib District tana hmasawnna tur leh thil pawimawh chi hrang hranga hmalakna tur tul ni awma an hriat te chu Bawrhsap hnenah hian thlenin, Bawrhsap chuan theihtawp a chhuahpui tur thu a sawi ve bawk a ni.