3801/2023-2024

13.02.2023 : Vawiin khan District Child Protection Unit hnuaia Sponsorship and Foster Care Approval Committee, DC Conference Hall, Keifangtlangah Chairman Pu James Lalrinchhana, DC, Champhai hovin an thu khawm a.

He hunah hian Pi R. Lalrinchhani Champhai District Child Protection Officer in District Child Protection Unit hmalak dan tlangpui leh Mission Vatsalya chungchang inhrilhhriatna hun a neih  bakah Committee member  te pawimawhna leh an mawhphurhna hrang hrang te inhrilh hriatna neiin tan lak thar zel a tul thu a sawi a ni.

Vawiina Approval  committee thukhawm hian naupang te dinhmun hi uluk taka an enfiah hnuah Kum 2022 leh 2023 chhunga naupang sponsorship leh foster fund dawng turin naupang 130 dilna hi an pawmpui a ni. District Child Protection Unit chuan Sponsorship Programme  hi kum 2015 atanga kal pui tawh niin naupang 398 ten sponsorship hi an lo dawng tawh ani.

Sponsorship ang Foster Care Approval Committee hi Mission Vatsalya( Child Protection Service) hnuaia awm niin Sponsorship hi naupang kum 18 hnuailam, harsatna hrang hrang leh retheihna avanga zirna mamawh, eitur leh damdawi hmanga inenkawl ngai, inenkawlna tur nei si lo te chhawmdawlna tur atana duan a ni.

Foster Care hi naupang inenkawltu chhungkaw mumal an neih loh a, chhungkaw dangin tha taka an lo enkawl lailawk hi a ni a. Tupawhin enkawltu mumal nei lo naupangte enkawl thei tur leh tanpui thei tura an inhuam chuan, District Child Protection Unit, Champhaiah zawhfiah theih reng a ni bawk.