2851/2025-2026

Champhai, dated 9th January 2026: Vawiin khan DC Conference Hall, Champhaiah Mizoram pum atana duan, lirnghing thlen thulhah chetlak dan tur - Earthquake Mock Exercise hman dan tur Champhai District Disaster Authority (DDMA) chuan a rel a, Champhai Bawrhsap leh DDMA Chairman ni bawk Pu Mohammad Aaquib chuan a kaihruai.

Mock exercise hi January ni 15, 2026-ah neih tur a ni ang a, sawrkar hotute leh khawtlang hruaitute tawngkawpin hmun thumah (zingah hmun hnih, tlaiah hmun khat) neih a ni ang. Zing dar 10:03-ah lirnghing lem a thleng ang a, siren tih rik a ni ang a, Circuit House-ah DDMA inhmukhawmin District Emergency Operation Centre (DEOC) siam a ni ang. Mock exercise atan hian chanvo hrang hrang insem a ni a, DEOC atang hian tihtur hrang hrang inhrilhhriat a ni dawn a ni. Mock exercise zawh hian zingah leh tlaiah DEOC-ah debriefing neih a ni bawk ang.

Mock exercise hi chhiatrupna thlen thulha chetlak dan inzirna leh inenfiahna a ni a, chhiatna thleng te, thi leh hliam te, inchhanchhuah te pawh chan chawp vek a ni.