2850/2025-2026

Dated Saitual the 9th January, 2026: Vawiin chawhma khan DC Conference Hall, Saitualah Pu Lallawmawma, Addl DC kaihhruainain kum 2026 Republic Day vawi 77-na hman dan tur chungchang rel a ni.

Kum 2026 Republic Day-ah lawmna atan hian agenda hrang hrang ngaihtuah niin state level-a mi hmingthate chawimawina award sem, march past leh pipe band endiktu ruat leh rehearsal neih dan tur chungchang te, inspection vehicle, decoration, rostrum, VIP speech, media coverage, sound system & comperes, sawrkar department hrang hrang achievement report, march past discipline hrang hrang lawmman leh VIP’s at Home –a tukthuan siam chungchangte rel a ni a, mawhphur turte ruat nghal an ni bawk.

Kum 2026 Republic Day vawi 77-na lawmna hi Keifang Centenary Sport Complex, Saitual-ah January ni 26, 2026 (Thawhtanni) zing dar 8:00 AM-ah hman tura rel niin khuallian atan Dr. Lalngura Tlau, Deputy Commissioner, Saitual chu beisei a ni a, march past contingent leh unarmed contingent-ten hnam puanzar zahna chibai an buk ang. He hunah hian Saitual District chhunga all Head of Offices, Banks, Party aiawh, Jt VC aiawh, Ex-service unit aiawh, All NGO hrang hrang aiawhte bakah Saitual Journalist aiawhte an tel dawn a ni.