Vawiin khan kum naupang zawk te tana vote thlak dan inzirtirna SVEEP Campaign leh  assembly constituency SVEEP Nodal Officers Champhai District te tan training neih a ni a, Dr. Naveen Aggarwal IAS, District Election Officer, Champhai chuan khuallian niin a hmanpui.

Thusawiin khuallian chuan Kum tling tawh phawt chuan vote hi thlak theih a nih thu a sawiin India ram hi Democracy chak tak niin mipuite chuan kan ram rorel tute kan duh ngei kan thlang thei a, zirlai te chu mi dang panga tal hnenah vote thlak ngei tura hrilh tura a duh thu a sawi bawk. Vote thlak hi thil hlauhawm a ni lova, kan ram hruai tu atana kan duh tak chu vote tur a ni a ti a, eng party hnenah mah an vote hlu tak hralh lo turin a sawm bawk. Khuallian chuan zirlai naupang kalkhawmte chu tun aia nasa a sap tawng hmang nasa turin a chah a, sap tawng hi khawi hkunah pawh kal ila thiam a pawimawhna a lang zel a ni a ti a, nitin darkar 1 tal sap tawng hmanna atana hun hman thin hi hmasawnna tha tak a ni a ti bawk.

He hun hi Pu Lalremruata Kullai, Election Officer chuan kaihruaiin Resource Person Pu Remlalliana Hnamte, Settlement Officer, Champhai & DLMT chuan  SVEEP chungchangah zirtirna a pe a, vote thlak thei tura tih ngai te, ERO, AERO leh BLO te tih tur hrang hrang te, form 6, 6A, 7, 8, 8A pawimawhna leh online appication chungchangah te chipchiar takin zirtirna a pe a, Voter ten vote an thlak dan turah an tih tur leh tih loh tur te, EVM leh VVPAT chuangchang te a lem nen entirin zirtirna a pek bakah Nadal Officer leh Campus Ambassador te tih tur hrang hrang ah te zirtirna a pe bawk a ni. 

He hunah hian Model Polling Station siam niin zirlai kalkhawm te chuan Vote thlak an thiam theihna turin a tak ngeia vote thlak tir chhin an ni bawk a, school 6 sawm niin kal an thahnem hle a ni.