262/2024-2025
Champhai, the 18th April, 2024: Inthlan huna duty tur Polling Personnel leh election kaihhnawih duty tur te'n inzir nana an hman Training & Awareness EVM/VVPAT set 8 te chu training leh awareness-te zawhfel a nih tak avangin Champhai District-a inthlan huna hman theih turin nimin tlai khan buatsaih fel a ni.
Training & Awareness atana hman EVM/VVPAT khawl inthlan huna hman theih tura buatsaihte hi thlaveng atana ruahmante an ni a. ECIL Engineer-te kaihruaiin a that leh that loh enfiahna First Level Checking (FLC) neih fel a nih hnuah first randomization leh second randomization tih niin computer hmangin Champhai District chhunga Assembly Segment 3; 23-Champhai North AS ah set 2, 24-Champhai South AS ah set 3 leh 25-East Tuipui AS ah set 3 a sem rual a ni. Hemi hnu hian inthlan huna hman mai theih tawh turin tihfel (commission) a ni, commission zawh hnu hian venhimna khauh tak hnuaiah assembly segment tin tana ruat strong room-ah vote thlak huna a tul thulha hman turin dahluh a ni.
