ATMA Khawbung Block, Champhai District buatsaih ni thum awh tur Tuikep Pa, Oyster Mushroom khawi dan training chu vawiin khan I&PR Auditorium, CHENEM Building Champhaiah tan a ni. Training hi ‘Support to State Extension Programme for Extension Reform’ scheme 2017-18, 3^rd instalment hnuaia kalpui a ni.

Hawnna programme-ah Khuallian Pu James Vanlalluaia DAO & PD (ATMA) chuan ATMA Khawbung Block in ‘Within State Training Programme on Improve Technology for Cultivation of Oyster Mushroom’ tha tak a buatsaih chu lawmawm a tih thu a sawi a. Khawbung Block chhung leh Block dang atanga lokal pakhawi tui leh khawimekte chu training ataka hmang thei turin duhsakna a hlan a ni.

He hunah hian Pu Lalvansanga SDHO Champhai pawhin thusawiin Champhai District-in pakhawi lamah Potential leh Scope kan ngahzia leh dinchhuahna tham a nih zia uar takin a sawi bawk a ni.

Vawiin training hawnna hun hi Pu VL Buanga, Agriculture Extension Officer & Convener, Block Technology Team (BTT) Khawbung Block-in a kaihruai a. Inhmelhriattirnate neih anih hnuah Pu David Lalmuanpuia, ATM-in programme neih dan tur tlangpui a sawi a. Dr.M.Chinlampianga, DPD, ATMA Champhai-in lawmthu sawina neiin hun a khar a ni.

Training-ah hian Khawbung Block atangin mi 20 leh Champhai Town Area atangin Pakawi lama tui mi 10 an tel a. Heng bakah hian Govt. G.M. Higher Secondary School Horti. Subject zirlai 15 an tel bawk a ni. Training chhung hian mithiamte’n Pa khawi dan leh enkawl dante an zirtir dawn a. Pa khawia eizawng thei tur leh mahni kutkawih hmanga Pa khawi thiam ve ngei thei turin zirtirna pek a ni dawn a ni.