4460/2025-2026

13th February, 2026 : Vawiin khan Valentine's Day pualin Govt Champhai College ah Blood Donation Camp neih a ni a, he hun hi Pu Lokeshwaran-R, Superintendent of Police Champhai in Khuallian niin a hmanpui.

Khuallian Pu Lokeshwaran-R chuan nunna hlu tak chhan nana thisen petute thiltih ropui tak avanga lawmthu sawiin, thisen pek hi kan mihringpui te tana rawngbawlna sang ber pakhat leh hmangaihna lantirna a nih thu a sawi a. Thisen unit khat chauh hian damlote, accident tuar leh damdawi lam enkawl mekte tan nun thar a pe thei tih sawiin midangte nun chhanna turin thisen pek a pawihmawhzia midangte hnen a hrilhhre zel turin zirlaite a chah a ni. He hunah hian Khuallian hian thisen a pe ve nghal bawk a ni.

Valentine’s Day puala thisen pekna hun hi Champhai District Hospital Blood Bank, Association for Voluntary Blood Donation (AVBD) buatsaih a ni a, Govt Champhai College Zirlai Mipa -61 leh hmeichhia - 19 ten thisen unit 80 mamawhtu apiangte hman turin an pe a ni.

Hemi pual inkhawm tawi hi  Pu RL Lalchhuanawma Vice President AVBD in a  kaihhruaia Dr. Krossnunpuii  Blood Bank Officer in report pein Pu PC Lalchuangkima Asst Secretary AVBD,Champhai in lawmthusawina a nei a ni. Blood Donation Camp hi Dr Zatluanga DMS Champhai, Principal Govt Champhai College, Rev Lalfakawma Chhangte leh AVBD Champhai hruaituten an telpui a ni.