Kumin 2015 Village Council inthlan Champhai District chhunga neiha thubuai awmte ngaihtuah turin nimin (23.6.2015) atang khan Champhai DRDA Conference Hall-ah Election Tribunal Hearing neih tan a ni.
Election Tribunal Hearing-a thu tur hian Pu R. Lalramnghaka, Director, LR&S Department; Pu C.C. Lalchuangkima, Project Director, DRDA, Champhai leh Pu John LT Sanga, Secretary-cum- Development Officer, SHDC te ruat an ni a. Village council pasarih - Champhai Kanan, Khuagphah, Ruantlang, Champhai Vengthar, Hnahlah leh Khawzawl Dinthar a inthlan kalpui dan leh result chungchangah te thubuai a rawn lut a. Farkawn atanga thubuai thehluh awm chu withdraw leh a ni.
Hearing-ah hian thubuai thehlut tute leh election laia duty te koh an ni a. Lungawilohna an thlen te chu ngun taka ngaihtuah sak in, a tul angin election duty a awmte atang sawifiahna an zawt bawk.
Nimin khan Champhai Kanan veng thubuai ngaituah sakin, vawiin khan Ruantlang VC lam ngaihtuah a ni a. Naktuk (25.6.2015) chawhma hian Champhai Vengthar ngaihtuah niin, chawhnu lamah Hnahlan thubuai ngaihtuah a ni anga. Zirtawpni (26.6.2015) hian Khawzawl Dinthar leh Khuangphah VC election kaihhnawiha thubuai thehluh chu ngaihtuah leh a ni ang.
