He hun Pi Lalrochami Ralte, MJS, Secretary, District Legal Services Authority kaihhruaiah hian vanduaina tawkte hnena zangnadawmna pek tur chungchang sawiho niin, vanduaina tawk tute'n sawrkarah zangnadawmna an dil dan azirin he zangnadawmna hi sawrkarin pe thin a, kuminah pawh hian mi 30 in he zangnadawmna hi an dil a, chung a diltu te chu he hunah hian zirchian niin pek tlak an nih leh nih loh an sawiho a ni.
Nikum lamah pek tura tih, mahse a tuartu ramdanga kal leh ta daih, pek leh theih si loh te an lo awm tawh avangin tun tumah chuan pek theih loh tur a awmbo emaw an chin hriat loh a awm te chu he zangnadawmna hi pek tawh loh ni mai se tih a ni a.Vanduaina tawk, mi kut tuar a thi leh pawngsual tawk, sawrkar hmena zangnadawmna dil mi 30 atangin mi 26 te chu zangnadawmna pek tura tih an ni a, mi 3 te chu an dilna an thehluh tlai avang leh an document a fel tawk loh avangin hnawlsak an ni a, dilna 1 chu enthat leh tura tih a ni. Zangnadawmna mi 26 te hnena pek tur a tih hi a vaiin cheng nuai 87 sing 2 sang 5 a ni a, Zangnadawmna hi an case a zira pek niin cheng sing 5 atanga nuaih 4 sing 5 thlengin pek thin an ni.
Vawiina zangnadawmna pek tura pawmte hi State Level Legal Authority-ah thawn leh tur niin, zangnadawmna pekchhuah hun tur chu SLLA thutlukna ani tawh ang.
He hunah hian Pu Alexander V.Chongthu,Addl DC, Pu C.Lalengliana, DSP Hqtrs, SYMA, MHIP leh Court aiawh te an tel a ni.
Attachment
- Loading attachment...
