No.2725/2021-2022
Aizawl, 26th October, 2021: Eirukna/ hlemhletna hrang hrang laka fihlim tur leh, nuaibo a nih theihna tura inzirtirna leh hmalakna pawimawh tak kum tina hman thin Vigilance Awareness Week 2021, October ni 26 atanga November ni 1 thlenga hman tur chu vawiin khan ram chhung hmun dangte rualin Champhaiah pawh kalpui tan a ni.

Vigilance Awareness Week 2021 pual hian DC Office Champhai bakah Champhai District chhunga sawrkar Pisa hrang hranga thawktute chuan eirukna leh hlemhletna laka fihlim tur leh nuaibo a nih theihna kawnga tul angte bawhzui turin intiamna thu an chham a ni.

Rinawmna leh rilru thianghlim tak pu chunga ram dan tha taka zawma nunpui tlat tur te,thamna dawng lo tur leh thamna pe lo tur te, rinawm leh langtlang taka midang hmuh tlaka hna thawk tur te, vantlang thatna tur ngaihtuah chunga thawk thin tur te, inpumkhatna hawi chung zela midangte entawn tlaka nung tur leh hlemhletna/eirukna chungchang hmuh leh hriat neih apiangte thuneitute hnena thlen thin turtea intiamna neih a ni.

Vigilance Awareness week hi kum tinin India ram Deputy Prime Minister leh Home Minister hmasa ber Sardar Vallabhbhai Patel-a pian champhaphak pualin hapta khat chhung hman thin a ni a, kumin thupui atan 'Independent India @ 75: Self Reliance with Integrity' tih chu hman a ni.