741/2025-2026
Champhai, dated 5th June 2025: Vawiin khan VKSA Team 1, 2 leh 3 Champhai DC, Khawzawl DC leh Krishi Vigyan Kendra (KVK) hoa lo din tawh te chuan World Environment Day pualin Champhai District chhunga khaw hrang hrang Champhai, New Champhai, Tlangsam, Hmunhmeltha, N. Khawbung, Zotlang leh Chhungte te an tlawh.
Heng Team 3 te hian Sorkar Scheme hrang hrang kalpui lai kuthnathawktute hnenah hrilhriatna an nei a, thlai natna leh rannung laka inven dante, Fall Army Worm (Vaimim natna) zirtirna te an nei bawk. Tunlaia Vawk vulhtute tana lar em em vawk natna ASF laka inven dante pawh zirtir an ni bawk.
He hunah hian Research Institute pahnih Krishi Vigyan Kendra (KVK) leh Indian Council of Agricultural Research (ICAR) te bakah Department hrang hrang Agriculture, Horticulture leh Veterinary Sciences lama mithiamte an tel tha hle a ni. Vikshit Krishi Sankalp Abhiyan (VKSA) Campaign hi Khawzawl district a khaw hrang hrang tlawh chhuah theih chin tlawh chhuah anih hnuah vawiin hian Champhai District lamah hma lak chhunzawm ani leh ta ani . He hun hi Deputy Commissioner Khawzawl leh Champhai te pawhin ngaipawimawhin campaign-ah hian motor te an thawh chhuah tir bawk ani.
