4079/2023-2024

Champhai, the 7th March, 2024: Vawiin chawhnu dar 4:00 khan District Bawrhsap Pu James Lalrinchhana, Chairperson, District Consumer Protection Council (DCPC) hovin DC Office Chamber-ah kumin March ni 15 a lo thleng tur World Consumer Rights Day, 2024 hman dan tur chungchang rel a ni.

Thutkhawmah hian World Consumer Rights Day 2024 hman dan tur chungchanga Sawrkar atanga lehkha hmuh ngaihtuahho niin, 'Fair and responsible AI for consumers' tih thupui thlan hmangin World Consumer Rights Day puala hun hman ni se an ti a. Programme neih dan turte duan a ni a, thupui thlan bakah Consumer Rights leh Consumer Disputes Redressal Commission chungchanga hriattur pawimawhte inhrilhhriatna neih ni se, hemi kaltlanga hmalaknate ngaihvena tel tura kalkhawmte sawmna siam ni se an ti bawk.

He hunah hian DCSO, DIPRO, DSP Hqrs leh Champhai District Consumer Association hotute an tel a ni.