4080/2023-2024

Aizawl, 07.03.2024: National Youth Parliament Festival, 2024 chu 9th February 2024 atanga 6th March 2024 khan ram pumah buatsaih a ni a. He Youth Parliament hi - District State leh National Level-ah ram chhunga District 785 huamchhungah buatsaih a ni. Mizoram atangin college zirlai pathum tel te chu vawiin khan Sports & Youth Services Department Secretary Pu Lalramsanga Sailo hovin a pisa ah thingpui inpuiin, Nehru Yuva Kendra Sangathan (NYKS) Mizoram in lawmpuina certificate an siam chu a hlan a ni.

He National Youth Parliament Festival, 2024  hi Lok Sabha Speaker Pu Om Birla leh Union Minister for Sports and Youth Affairs Pu Anurag Singh Thakur te’n a kharna telpuiin thalaite fuihna thu an sawi a. Central Hall of the Parliament, New Delhi ah state level winner 87 an pungkhawm a. Mizoram atanga tel te hi: 1) Grace Lalrinpari Hauzel D/o Lalsangzela Hauzel, Khatla Aizawl(Pachhunga University College) 2) Lalruatdiki Colney D/o Laltanpuia Colney, Sarawn Veng, Serchhip (Govt. Serchhip College) 3) Lalthakimi D/o Valalzawna, Field Veng Serchhip (Govt. Serchhip College) te an ni. Mizoram aiawh hian Miss Grace Lalrinpari Hauzel chuan minutes 4 hun pekah hian Young Voice: Engage and Empower for National’s tih thupui a sawi.

Ministry of Youth Affairs and Sports chuan Nehru Yuva Kendra Sangathan(NYKS) leh National Service Scheme (NSS) kaltlangin Youth Parliament hi District Youth Parliament, State Youth Parliament leh National Youth Parliament te a buatsaih a. He Youth Parliament-te hian democracy bulpui tihchak a tum a; discipline hrisel tak tak, midangte ngaihdan tuar thiamna leh thalaiten Parliament kalphung leh nih phung an hriat theih nan he programme hi buatsaih a ni. Youth Parliament te pawhin saknaah an pui bawk.