Vawiin khan World Mental Health Day pualin Venglai Community Hall-ah DMHP leh MFM, IT te buatsaihin hun hman a ni.

Vawiin inkhawm hi Pi Lalnuntluangi Khiangte, Medical Superintendent chuan a kaihhruai a. Thusawitu khuallian Pu Vanlalngaihsaka, Champhai DC chuan khawvelah hian second 40 danah mahni nunna la an awm a. Hei hian taksa bakah rilru hriselna a pawimawhzia a tilang chiang hle a. Zirlai zingah exam dawna intihlum te an awm thin a, mahni nunna la zawng leh mahni taksa tichhe zawnga rilru pu an awm hi a pawi hle a. Heng mite puitu kan mi thei a ni tiin kalkhawmte a fuih a. Rilru lama hriselna thlentu a nih theihna turin he ni hi malsawmna lo ni se a duh tih a sawi a ni.

Dr Lawrence L Ralte, District Mental Health Officer chuan Champhai District Mental Health Programme chungchangah report a pe a. Kum 1992 atangin world federation for mental health chu hman tan a ni a. Rilru hriselna hi central sorkarin a ngai pawimawh a, kum 1996 ah DMHP hi tan a ni a. A tum ber chu rilru lama hriselna neite a hma thei ang bera hmuhchhuah leh enkawl te, huam zau zawka training pekte a ni, a ti a, DMHP hi Champhaiah kum 2014 atang khan kalpui tan niin September thla thlemg khan damlo 380 an enkawl tawh a. A maawhtute tan District Hospital ah pan theih reng a nih thu a sawi a ni.

Kumin world mental health day ah hian thupui atan Dignity in mental health: psychological and metal health first aid for all tih hman a ni a. He thupui hmang hian Pi Biakhluzuali Chenkual, Clinic Pyschologist Civil Hispital, Champhai chuan thusawiin, rilru lama hriselna hi mimal dikna chanvo nena kalkawp niin kan nun pumpui a nghawng a. Hei vang hian mithiamte chuan an ngai pawimawh a. Taksa bakah rilru hriselna hi thil pawimawh a tling a ni, a ti a. Rilru lamah hian natna hrang hrang a tam a, tumah a thliar hrang lo bawk a. He ni hi heng natna veite endawng leh hmuhsit an tawh thin tihtawpna atana hman thin a ni a, kumin thupui hian rilru lama damlote tuam dam a, puih an ngaihna laia puih leh humhim a, an phu tawka zahna lantir bakah zirtir ngaite zirtir a kawk a ni, tih sawiin, tih tur leh tih loh turte a tarlang tel bawk.

Vawiin inkhawmah hian rilru hriselna lam hawi lemchan thlirho a ni a. Dr Elizabeth Nang Tawi Mang, psychiatric social worker DMHP chuan lawmthu sawiin a khar a ni.