4979/2025-2026

Champhai, dated 24th March 2026: Nimin dar 2 khan DC Conference Hall Keifangtlangah Observance of World Water Day 2026 leh Jal Mahotsav 2026 kharna hun District Water & Sanitation Mission buatsaihin hman a ni a. Hemi hunah hian Addl. DC Pu James Lalnithanga chu Khuallian niin DWSM member te nen hun hman a ni.

Pi Julie C. Mawii Co-ordinator SBM-G chuan World Water Day 2026 thupui 'Water and Gender’ (Where water flows, equality grows) tih hmangin kalkhawmte hrilhfiahna leh zirtirna hun a nei a, Member Secy, DWSM Er. Jerome Lalremtluanga EE PHED in Jal Mahotsav Campaign chhunga Department hmalakna hrang hrangte report pe in hun a hmang bawk. World Water Day function-ah hian Jal Mahotsav Campaign 2026 kaltlangin Certificate of Recognition category hrang hrangah mi pathum hnenah lawmman Citation leh sum fai hlan a ni a. Er. Vanlallawma Colney, SDO, Khawbung chuan lawmman hlanna hun hi kaihruaiin, lawmman lakna Category hrang hrang te hrilhfiahna hun a hman hnuin Chief Guest in lawmman a hlan a. Lawmman dawng tute chu:

1.Pu Robert Hmingthantluanga, Kelkang (Outstanding Nal Jal Mitra/Rural Water Supply Operator)

2.Pi B Lalramthari, Khawbung Self Help Group (SHG) (Representative for Exceptional Contribution to Rural Piped Water Supply Management)

3.Pu Laldinthara, Zokhawthar (Excellence in Financial Sustainability through Efficient User Charge Collection)

Khuallian Pu James Lalnuthanga chuan Jal Mahotsav Campaign period March Ni 8 atanga March 22, 2026 chhunga neih chu a khar nghal a, World Water Day hmang tura lo kal zawng zawngte chungah lawmthu sawiin hun a khar a ni.