Vawiin Zirtirtute Ni (Teachers’ Day)lawm nan Champhaiah zirtirtute chawimawina kawng zawh ropui taka neih a ni a, Champhai khawpui hmun hnih atanga zirlaiten kawng zawh tannin Upa Darthangvunga Traffic Point-ah an intawk khawm a, heath hian kawng zawh kharna leh Teachers’ Day lawman programme Champhai District Bawrhsap Pu Vanlalngaihsaka, IAS hova hman a ni.

Zirtitute chawimawina kawngzawh kharna huna khuallian Champhai District Bawrhsap Pu Vanlalngaihsaka, IAS chuan zirtirtute zahna chibai a buk a. Zirtirtute chu mihringte chher puitlingtu, ram leh hnam dintu ber an nih avangin an hlutna I hre thar leh ang u, tiin kalkhawmte a sawm a. Champhai District atanga zirtirtu tha chawimawina dawng an awm thin chu lawmawm a tih thu leh kumina lawman dawngtu, Pu Lalthantluanga Tochhawng, Lecturer, Govt. GM Higher Secondary School chu lawmpuina a hlan bawk.

He kawngzawh kharna inkhawm hi Champhai District Education Officer, Pu Rodala’n a kaihruai a, Teachers’ Day puala essay inziah siaka tithate lawman sem nghal a ni bawk. Lawmman lak dan chu hetiang hi a ni:

Lawmman

Class

School

Primary School level-ah

1st Prize : Lalrosiami

Class IV

Govt. Champhai P/S-III

2nd  Prize : Julie Lalrintluangi

Class IV

Govt. Champhai P/S-III

3rd Prize : Vanlalawmpuia

Class IV

EasternFlowerAcademy

Middle School level-ah

1st Prize : Vanlalawmpuii

Class VIII

Govt.RoselandSchool

2nd  Prize : Lalchhandami

Class VI

PresbyterianEnglishSchool

3rd Prize : R. Lalrinmawii

Class VIII

EasternFlowerAcademy

High School & Higher Secondary School level-ah

1st Prize : Bernard Kamliansanga

Class X

Holy Cross H/S

2nd  Prize : Lalmalsawmi

Class XII

Champhai Higher Secondary School

3rd Prize : Lalawmpuii

Class X

Govt.ChamphaiHigh School

3rd Prize : B. Zothanmawii

Class X

VengsangHigh School

 Kumin Zirtirtute Ni puala kawng zawhah hian school hrang hrang naupang an tel kim hle a ni.

 

Attachment

  • Loading attachment...