Vawiin khan Mamit SP Pu Abhishek Dhania IPS chuan a Office Chamber-ah DIPRO, leh Chanchinbumite kawmna a nei.

He inkawmhona ah hian Pu Abhishek Dhania IPS chuan Mamit khawpui chhunga thuthar thehdarhtute chu thawhho puiah sawmin, venhimna lama thawktute nen pawh atheih ang anga in pawh tlang taka kaltlang tur leh chanchinbu mite chu mipui tana thudik rintlak leh pawm ngam chhuah hram hram tur te, tunlaiah Social Media hmangin mipui ti chiai zawnga thuchhuah awm thin lakah fimkhur turin a chah a, an mahni kaltlanga thuthar an neih te chu rintlak a nih leh nih loh engtik lai pawh a zawhfiah theih reng an nih thu a sawi a ni. Mamit District chu District dang ang lovin International Boundary leh Inter State Boundary kan nih avangin Issue lian tak tak kan neih chang a awm thin a, hemi kawngah pawh hian in pawh tlang taka thawkho turin chanchinbu mite hi a sawm a ni.

Pu Paul Rokima DIPRO, Mamit chuan SP Office atanga thuchhuah tur awmte chu DIPRO kaltlanga puangzar thin turin a ngen a, hei hian thudik leh rintlak puanchhuah kawngah awmzia a neih a beisei thu a sawi, Mamit chanchinbu miten thil hriat duh an neia a, an dawrna ah zau taka lo in hawng thin tura sawmin, DIPRO hian chanchinbumite inhmelhriattirna leh thipek hlanna a nei bawk.

He hunah hian Pu P.C Lalthanzuala, President, MJA pawhin thusawina neiin Mamit Police-te an hnathawhna kawngah theihtawp chhuahpui zel tur leh chanchinbu mite chu an mamawhna kawngah zau taka an in hawn thu a sawi bawk.

Vawiin SP thar kawmna ah hian Addl SP Pu P.C Lalchunglura leh Mamit SDPO Pu F. Lalthlamuana ten an tawiawm a ni.