Vawin ni chawhma khan I&PR Auditorium, CHANEM Building, Champhaiah District Mental Health Programme leh District Legal Services Authority-te tangkawp chuan ‘World Suicide Prevention Day’ Programme an buatsaih a. He hunah hian Champhai Town Area chhunga NGO hrang hrangte nena hun hman ho a ni. 

Pu Thomas Lalrammawia, Judicial Magistrate, Secretary, District Legal Services Authority  chu Chairman niin, Pi Jane Lalduhchhungi Vanchhawng, Clinical Psychologist chu Resource person atan a hman a ni a. Resource person chuan kumin World Suicide Prevention Day Theme ‘Working together to Prevent Suicide’, ‘Mahni intihhlumna vennaah i thawk ho ang u’ tih thupui hmangin presentation a pe a. Khawtlang hruaitute chu mahni nunna lak duhna rilru pu leh harsatna tawk te tan a tanpuitu hnai ber leh pawimawh berte an nih thu a hrilh a. Sawihona hunte hman  anih bakah  hmalak dan turte sawi ho a ni bawk.