Champhai District Badminton Association (CDBA) hmalaknaa Champhai Town Hall-a Court Mat phah thar chu vawiiin chawhnu khan Champhai North Bialtu MLA Pu TT Zothansanga chuan Shuttle Cock Court lam hawia vuain a hawng.

Khuallian Pu TT Zothansanga chuan CDBA-in Court Mat tha tak pathum a nei thar chu a lawmpui thu leh mat thar nei thei tura tha thawhtute chu fakawm a tih thu a sawi a. Champhai District chu infiamna huanga hnuhma tha tak nei thin a lo nih tawhna hre renga infiamna displine hrang hrangah Mizoram huapa titha ber ni leh thei tur a tan lak angaih thu a sawi a. Hruaitu tha leh viak tha tak tak hnuaiah vawiin ni atanga tanin hmalak tan nise a duhawm hle ang, a ti a. Champhai Badminton player ten Court tha leh changtlung an mamawh tih chu a hriatpui thu leh theihtawp a chhuah thin thu pawh a sawi a. New Champhaiah Court thar pali awm theihna tur puahchah mek a ni tiin, infiamna huangah hmasawnna lam panin Champhai chu a kal zel a ni, a ti a. Infiammite chu inthununna, thawhrimna leh rinawmna vawnga hlawhtling ngei tum turin a chah nghal a ni.

Court Mat thar hawnna hun hi Pu Lalnunmawia, President, CDBA Chuan a kaihruai a. Pu Paul Zakhuma, Honarary Secretary, CDBA chaun kalkhawmte lawmna leh inhmelhriattirna a nei a. Technical report Pu F.Malsawmtluanaga, Fin. Secretary, CDBA Chuan a pe a.  Khuallian hnenah CDBA President-in pawl tana thahnem ngai taka a thawh thin avangin  chawimawina Citation a hlan a. Pu H.Rothangliana. Sr.Vice President, CDBA chuan lawmthu sawina neiin hun a khar a ni. Programme neih zawh hnu hian Mat thar lawmnan Exhibition match khelh zui a ni.

CDBA hian MLA Fund cheng nuai nga leh thawhlawm thawhkhawm atanga sum tlingkhawm hmangin Badminton Court cheibawl hna hi an thawk a. Court Mat pathum hi a vaiin cheng nuai thum leh sing riat  hu a ni a. Electrification, Carpet, Net Post leh thildang hmangte a thuam that a ni.

Champhai District Badminton Association (CDBA) hi kum 1977 a din niin tun dinhmunah affiliated Club 17 an awm mek a ni.