Ni 14.10.2014, zan dar 7:30 khan Chanmari YMA hall-ah Chanmari Branch YMA 56th Rising Day lawmna hman a ni a, Pu Joseph Lalhimpuia, Parliamentary Secretary, School Education department chu khuallian a ni.

He hun hmanpuitu Pu Joseph Lalhimpuia chuan Chanmari YMA hruaitute’n thalaite tiphur zawng a programme changkang tak an buatsaih chu lawmawm a tih thu leh an hruaitute fakawm a tih thu a sawi a. Ram pumpui leh ram pawnah pawh Zofate zingah YMA hlutna a sang hie a, YMA vawn nunna kawngah YMA tih YMA-na kawnga kengkawhtu pakhat chu Chanmari Branch YMA te ni-a a hriat thu leh Chanmari chu Aizawl veng laili taka awm a ni a, Chanmari nula leh tlangval ni awm renga miin min hmuh theih nan an nun an uluk zel a pawimawh thu a sawi bawk. Pu Mahima chuan YMA leh Education Department ten thawhhona thuthlung an ziah thu sawiin hemi atana YMA ten nen a ke an penna zel tur ah te pawh theih tawp chhuah pui turin a sawm bawk a ni.

Sorkar hmachhawp tarlangin Pu Mahima chuan kumin hian infiamna kawngah pawh chak zawka hmalak turn a ni a, National School Games-ah pawh Discipline 6-ah tel turn a nih thu te, National School Games-a titha medal la te chu Certificate mai hlan lovin sum hlan tel tur a ruahmanna siam vek a ni tawh thu te leh sorkar-in a remtih chuan nakum National School Games discipline thenkhat chu Mizoram-ah thlen turn a nih thu te leh hei hi sorkar-ah dil mek a nih thu a sawi bawk. Pu Mahima chuan Mizoramah hian school sang chuang a awm a, school pahnih-khat bakin mahni bilin indoor stadium leh playground an nei lo va, chuvang chuan hemi atan hian school tarn zawkin indoor stadium leh playground tha an neih theihna turin Central Sawrkar-ah thlen tawh a nih thu leh ruahmanna kalpui mek a nih thu a sawi bawk. Faina chungchangah pawh hmalak tumna sawilangin Mizoramah zirlai nuai chuang an awm a, chung zirlai te nen chuan hma la hovin Clean Mizoram kalpui a nih tur thu leh he programme hi thla leh maia tan tura ruahman a nih thu a sawi bawk.