Vawin chawhma khan Directorate of Health Services Conference Hall ah National Health Policy chungchang meeting neih a ni a, he hun hi Dr. K.Ropari, Principal Director H&FW cum Mission Director NHM in a kaihruai.

He review meeting-ah hian Ministry of Health & Family Welfare, NHM Govt of India team in Saiha, Lawngtlai Leh Aizawl District an tlawhna leh an thil hmuh dan te sawi ho a ni. Member 6 awmna MoH&FW team te hian 9th October, 2014 khan Aizawl lo thlengin anni hian National Health Policy thar duanna tur atan heng District 3 te hi ngun leh uluk takin an zirchiang a. An thil hmuh leh hriat chungchangah Team Leader Dr.Pradeep Haldar,Deputy Commissioner, Ministry of Health & Family Welfare, Govt of India chuan report a pe in District hrang hrangah Field staff te a tlangpuiin an thawkrim hle a, Staff te anmahni post ah hmuh tur an awm tlangpui bawk chu lawmawm an tih thu a sawi a.Hrisel na lam tehfung (Indicators) ah Mizoram chu a tha thawkhat viau a, Damdawiin leh SC hmunhma a fai tha thawkhat bawk a. Mizoram chu ziak leh chiar thiam an tam avangin hriselna lam zirtirna an zawm tha tlangpui a ni. Amaherawhchu hetiang a nih lai hian kawng thenkhatah erawh duh khawp lohna a awm tho nia tarlang a ni bawk.

Meeting ah hian rawtna chi hrang hrang an chhawpchhuak a : Staff ten an mahni line theuh ah training (capacity building) an mamawh tlangpui a. Recruitment rules (HR Policy) mumal tak siam ni bawk se. Infrastructur Plan fel tak duan ni bawk rawh se an ti bawk. Heng Team te hian October ni 16 hian Mizoram an chhuahsan ang a, India ram state hrang hrang an tlawhna atanga an thil hmuh leh hriatte atang hian National Health Policy thar hi duan chhuah a ni dawn a ni.