No.1514/2021-2022

Aizawl 22nd July 2021: Aizawl DC chuan Chanmari West hmun thenkhat Containment Zone/Area-hlih a nih thu a chhuah a. Hemi chungchanga DC thuchhuah chu a hnuai a mi ang a ni e.

The Disaster Management Act, 2005 Section 34(b)(c) behchhan leh he Office lehkha No.C.16011/298/2020-DC(A)/Lockdown Dt. 14/07/2021 hmangin Chanmari West hmun thenkhat chu Containment Zone/Area-ah puan a lo ni tawh a.

Chief Medical Officer, Aizawl East in a zirchianna leh a tul anga hma a lak hnuin, Chanmari West Containment Zone/Area hmun thenkhat chu ni sarih chhung CoVID-19 positive case thar an awm tawh loh avangin a sawrzim rawtna a rawn thlen a. He rawtna ang hian Chanmari West hmun thenkhat Containment Zone/Area-a lo puan tawh chu 22.07.2021 (Ningani) Tlai dar 5:00 atangin hlih a ni.

Containment Area hlih tur huamchhung :
Group 2 : Neuva Section :
Zuang tuikhur atangin Central road chhim lama rawn zawh pheiin Pu Lalremruata Hauzel In bul step-ah lo chhuk thlain vantlang kawng a zuk pawh thla anga, vantlang kawng zawh thla in Zuang tuikhur bul step lo chhuk thla a pawh ang. He step vek hi zawh chho in Zuang tuikhur a pawh chho ang. (chhungkua 41)

Group 3: Taitesena Section :
YMA Buk bul vantlang step zawh thla in Pu H. Lalfakzuala leh Pu H. Lalthanzauva te unau ho building huamin Vaivakawn Road a pawh ang. Chuta tang chuan Vaivakawn Road zawh chhovin Pu Lalthuama Colony leh Pu Lalmalsawma (Sena) Building huam tel lovin kawng thlanglam zawng.(chhungkua 38)
(Total No. of Household – 79) Containment Area-in a la huam tur te :

Pi Lalzemi (L) in huam telin Saron Road a zawh phei anga, YMA Buk bul vantlang step ah chhukthla in Vaivakawn Road a zu pawh ang. Chuta tang chuan Vaivakawn Road kawngpui rawn zawh chho leh in Pu Lalthuama Colony leh Pu Lalmalsawma (Sena) Building huam telin, Pi Thlamuani, PC Thangvela (L) leh Pu Lalbiaksiama Colney Building huam tel lovin kawngpui a zawh chho zelin, Pi Thanchhingi leh Pi C. Zohmingthangi te In pahnih huam tel tawhin pi Lalzemi building a han pawh leh ang.

(Total Number of Household contained – 28)
Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.