No.1513/2021-2022

Aizawl 22nd July 2021: Aizawl DC chuan Tuivamit Veng hmun thenkhat Micro Containment Zone/Area-ah puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl West in zirchianna leh a tul anga hma a lak hnuin, Tuivamit Veng a hmun thenkhat chu Micro-Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Tuivamit Veng a hmun tarlan te hi ni 22.07.2021 (Ningani) Tlai Dar 4:00 atangin Micro-Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

TUIVAMIT Micro-Containment Zone/Area puanna:
“Tuivamit (Vanapa Section) huam chhung thlanmual peng, Pu Varhmingliana in atanga Salvation Army YP Hall thleng, (kawngthlang Pu Lalhminghlua in leh kawngchung Pu C.Lalrinawma in huamin)”

(Total No. of Household Contained: 16)

BUFFER ZONE:
Neuva Section Pu Modona Building 2, chhungkaw panga (5) in an luah lai.

Heng Containment Zone/Area chhunga khawsa, hnuaia mite hi harsatna neite tan a  biak pawh theih an ni ang.

VENG

INCIDENT COMMANDER

IMA CONVENER

 

Tuivamit Veng

Pu Ngulzathuama, MCS

Contact No: 9436380878

Dr. Andrew Lallawmzuala

Contact No. 6909488322