No.1512/2021-2022

Aizawl the 22nd July, 2021 : Lok Sabha MP Pu C. Lalrosanga chuan vawiin khan Parliament Central Hall-ah Minister of State for External Affairs thar Pu RK Ranjan Singh kawmin Myanmar a?anga Mizorama raltlante ?anpui dan chungchang a sawipui a.

Myanmar ramri hrula awmte Covid-19 laka invenna damdawi lam hmanruate leh a veite tana oxygen mamawh pek dan turte ngaihtuah turin minister chu a ngen a, Pu Ranjan Singh-a chuan External Affairs Ministry kaltlanga tih theih ang angte tih a nih tur thu MP Pu C. Lalrosanga chu a hrilh a. Mizorama Passport Seva Kendra tihphuisuina tur leh a ?ul chuan din belhna tur rawtnate thlen turin Pu C.Lalrosanga chu a hrilh bawk a ni.

Minister of State for Education ni bawk Pu Ranjan Singh chuan zirna lam kaihhnawih tul ang ang a hnena thlen turin MP chu a sawm bawk a ni.

Pu C.Lalrosanga hian tunlai a kan buaina ramri a chengte tihhmasawn nan bialtu MLA nena inrawnin cheng nuai 20 a pe a ni.