No.1511/2021-2022

Aizawl 22nd July 2021: Aizawl DC chuan Bungkawn Vengthar hmun thenkhat Micro Containment Zone/Area-ah puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl West in zirchianna leh a tul anga hma a lak hnuin, Bungkawn Vengthar a hmun thenkhat chu Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Bungkawn Vengthar a hmun tarlan te hi ni 22.07.2021 (Ningani) Tlai Dar 5:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

BUNGKAWN VENGTHAR Containment Zone/Area puanna: “Lalkhawngaihdawngi in atanga Tlangthlumi in thleng, kawngpui dung phei (EGS Road) bakah kawngchhak lamah R.Laltluanga in leh
Zorammuani te in telin leh Bungkawn Vengthar Main Road a,
Chawngbawla Section huamchhunga mi – Pi Thanchhingi in 2 (pahnih) House No. C-10 (a hnuai C-10/1 telin) leh C-11 (a hnuai C-11/1 telin)”

(Total No. of Household contained: 24)
Heng Containment Zone/Area chhunga khawsa, hnuaia mite hi biak pawh theih an ni ang.