No.1510/2021-2022

Aizawl 22nd July 2021: Aizawl DC chuan Model Veng hmun thenkhat Micro Containment Zone/Area-ah puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl West in zirchianna leh a tul anga hma a lak hnuin, Model Veng a hmun thenkhat chu Micro-Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Model Veng a hmun tarlan te hi ni 21.07.2021 (Nilaini) Zan Dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

MODEL VENG Micro-Containment Zone/Area puanna:

Khuangchera Section :
Zadeng Run bul luikawr leh MHIP building inkar kawng chhak lam zawng, Mission Veng ramri thleng.

Buffer Zone
Pu M. Tumsanga building leh Nl. Rothuampuii te in inkar kawng chhak leh kawng thlang.

(Total Number of Household contained – 20)
Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.