Vawiin tlai dar 2 khan Pu P.C. Zoram Sangliana, Art & Culture etc. Minister leh Mass Cheraw Kan Organising Committee Chairman Office-ah Chapchar Kut 2010 leh Guinness World Record atana Cheraw Kan Runpui neih tak thlir letna neih a ni

 

 

 

He inkhawmah hian Organising Committee chuan lungrual tak leh tluang taka kumin  Chapchar Kut hman ho leh a huhova Cheraw Kan-ah Guinness World Record hial siam a ni ta chu lawmawm an ti a. Mizoram tan hnam anga kan culture khawvel huapa phochhuahna pawimawh tak a ni an ti. He Chapchar Kut leh Cheraw Kan na hlawhtling taka neih anih theih nana tlawmngai taka hun leh tha thawhtu zawng zawng chungah lawmthu an sawi  a ni.

Pu P.C. Zoram Sangliana, Art & Culture Minister leh Organising Committee Chairman chuan he hlawhtlinna ropui tak Mizoram in a chan lawmpuina thu mi tam tak hnen atanga a dawn te sawichhuak in a bik takin Mizoram Governor Lt. Gen (Rtd.) M.M. Lakhera; Chief Minister Pu Lal Thanhawla leh Union Minister for Art & Culture Pi Ambika Soni te hnen atanga lawmpuina thu lawmawm tak a dawn chu lawmawm a ti hle a ni.

He meeting-ah hian thil tih turah felhlel deuh awmte sawichhuakin tih leh hunah chuan tha zawka tih theihna tur kawng an ngaihtuah ho a. Kristianna rilrem zawng taka Mizo Culture hmanga Chapchar Kut leh Cheraw Kan Pui hlawhtling taka hman a ni thei ta chu a ropuiin hnam anga kawng hrang hranga hmasawnna rahbi pawimawh tak anih ngei an beisei thu an sawi.