Pu Zodintluanga, Sports & Youth Services Minister chuan LPS buatsaih Muaythai Professional Fight chu nizan khan Zarkawt Recreation Centre ah a hawng.

Minister chuan LPS chhungkua in Mizoram thalai te infiamna lamah an phur pui a, mahni sum leh pai senga hetiang tournament an buatsaih sak chu Mizoram mipui aiawh in lawmthu a sawi. Muaythai Association hi la naupang viau mahse sorkar policy ‘Catch Them Young’  tun anga tui leh phur taka an kalpui zel chuan an hlawhtling a rin thu Minister chuan a sawi. Naupang laia zir lova pass intihtheihnan kan hmang thin khan ban a, lehkha zir peih hlawhtlingte hi kan chawimawi a hun tawh ani tiin Minister chuan hlawhtling tur chuan kan thil tih reng rengte hi taima leh thahnemngai takin kan tih a ngai a ni ati.

March ni 9 atanga ni 13 chhung khan LPS Pro ARM chu tan anih tawh  leh Club 15 atangin Player 255  leh Official 14 te an tel a, nizan khan final khelh a niin Minister hian lawmman a sem a.

Muaythai Professional Fight ah hian infiammi 98 leh official 14 an tel .